滿城夢郎

這是幾個月前寫的.....

這幾年, 因為年紀大左, 我身體一直都有這度痺果度痛, 一直都有去開搵人按摩, 當係舒緩一下筋肉. 我一直好抗拒去治療佢, 上次同家庭醫講我D手腳問題, 佢指出我有CARPAL TUNNEL SYNDROME, 佢就叫我睏覺帶手箍(WAIST SUPPORT)來睏, 當然到最後無用, 咁.... 我有朋友又係有CARPAL TUNNEL SYNDROME, 佢一直要求 佢個家庭醫生, 最後同佢安排做手術, 不過, 我真係唔想做D野咁 INVASIVE, 而且手術係有副作用.

最近我決定趁我年紀仲未係好大(年紀太大時, 有機會療效無用), 一定要治理好D問題佢, 當然唔係西醫做手術, 而係去搵中醫.

係微訊上, 見到同胞們講起一間係VSL 區的中醫館, 第一次打去問, 對方見到我係男人, 講左2次佢地係正骨, 而且話俾我知佢係醫師. 我就走去睇佢地間醫館, 又真係放左好多葯材係醫館度.

初頭諗住係去俾佢挖沙和拔罐, 但去到個男醫師同我講, 我有D地方移左位, 經絡唔通, 神經線受壓, 佢第一次就同我托番正條腰, 托下條頸, 仲要針灸, 再要飲6日苦葯, 現在講番起來, 真係感到有D難受呀, 更係貼錢買難受. 不過做完第一次, 睏醒就無再手痺, 飲完D葯後, 就無再咁氣喘.

第二次去, 佢就同我托手臂, 推拿, 針灸, 放血, 佢話希望攪到我手臂可以返回到接近原位, 唔會再頂住D神經線. 哈, 真係咖喎, 我本來放鬆時, 手掌對比前手臂, 係彎左, 現在係直番, 手臂又再少D痺.

昨日做第三次, 佢同我推拿, 針灸, 試圖放鬆背脊D肌肉, 唔洗做運動時, D背脊骨拍拍聲, 再加埋推推手臂, 之後我舉起隻手容易左好多.

今日, 我就油出邊窗D油了, 油之前, 要用沙紙擦走突起左D舊油, 發現隻手聽洗好多. 其實, 我真係無諗過要返老還童, 但維持日常正常生活, 就好了, 可以煮下飯, 種下花, 打理下自己間屋, 等佢唔洗爛.

真係希望, 現在好返的一切可以永遠係咁, 唔好返發了. 我現在好留意自己姿勢, 留意唔好側埋一邊坐或行.