滿城夢郎

數週前膝蓋痛得瓜瓜叫,  之後就走左去睇西醫喎, 西醫話我有關節炎, 去照左X-光, 知道唔係即時大問題, 就叫我自己去找西人D物理治療了, 再叫我一痛就食 TYLENOL 或 AVRIL, 我見食左3日都仲痛(雖然無咁痛), 我才理解到.... 西醫只會叫我去西人D物理治療, 再唔係, 到我好嚴重時就開刀囉.

其實我一直都醒唔起, 可以試試中醫嘛! 也不會想到中藥可以幫到忙. 以前幾個月又唔係點痛得厲害, 我就無講俾個中醫師聽, 原本每次去中醫度做物理治療, 都係整鬆D肌肉和關節. 只是果一次去, 佢話我膝蓋水腫到一定要食藥了, 我一睇才醒起真係腫左喎, 才理解到原來都唔算小野.

我初頭唔想飲苦藥和針炙, 問佢可唔可以單單刮沙+拔罐+推拿+按摩, 佢話, 點去醫得最快最好, 要由佢決定, 要我聽佢講. 最後係..... 推拿+針炙和飲藥. 咁.... 佢都好好野咖, 2-3日就唔痛和消左大部份水腫, 只是無咁好腳力囉(這個中醫同西人物理治療一樣, 叫我多做負重運動, 增加肌肉量). 所以, 我之後2星期就好乖了, 唔再馬騮通山走, 轉為係家中做運動, 把原本負重增加一倍, 哈哈哈.....

過左個星期返去見佢, 我同佢講, 西醫話關節炎係長期慢性病, 我問佢, 我現在係咪好返哂? 佢話體質按人不同, 佢會盡力幫我整到無手尾, 不過頭果80%係中醫來講係可以好快, 但後尾果20%就要我聽佢話了, 進度會好慢, 若要將來唔容易返發, 就要有耐性. 所以, 我再飲多1星期藥了, 呵呵呵...... 好啦, 為到下年回暖後, 再可以馬騮通山走, 我都係聽佢講了.

今日再去, 佢同我推拿針炙後, 又叫我貼藥包, 寫左D藥名, 叫我自己去唐人街買來包係塊布或布袋裡頭來貼, .....

我真係從來無諗過, 我會有關節炎, 又無諗過, 唔理關節炎可以好大鑊, 再無諗過, 西人物理治療無中醫咁快(傳統上, 人人都認為中醫進度慢), 更無諗過中醫唔洗我痛咁耐.

我咁同大家講呢, 我諗大家同我一樣, 一到西醫束手無策D病症, 我地會好驚慌, 一時三刻無想起可以找中醫呀. 大家除左西醫之外, 我地都可以有多個選擇和希望囉, 我真希望幫到有需要但醒唔起中醫的朋友. 其實, 我地好幸福咖, 生活係大城市裡, 好多人生活係埠仔裡邊, 要揸個幾鐘才睇到中醫呀.

香港在港英治理年代, 跌打和中醫是分開發牌照的, 中醫不能推拿續關節, 跌打不能把脈開藥, 所以大多數港人想不起肌肉關節痛, 是可以找中醫的, 不知道大家在國內, 又是否一樣, 因為某些環境和觀念, 不會想起用中醫. 原來, 把脈開藥, 才是肌肉關節痛的治本治標之路, 跌打推拿續關節只是中醫其中的分支.

還有, 中醫和西醫都說, 關節炎是身體內發炎, 不過發炎的地方, 可以是關節, 也可以是器官, 近幾年, 西醫常要我去驗血, 追查血中PSA 的含量, 這幾年都高企, 上年更上升到高水平, 要我去做MRI(磁力共震), 今年6月開始去看中醫, 推拿針炙再加服藥, 10月再去驗血, 西醫剛跟我說, 好消息, PSA 降了1/3, 回到可以接受的水平.

滿城夢郎

忘記講一事, 外國好多人對毒品或禁藥上左癮(街上見到行為怪異果D人, 可能就係果種人囉), 一大部份原因係原本身體有痛症, 食得止痛藥太多太久, 越食越多越強, 最後升級到危險藥品, 很多人因為危險藥品而無命呀. 其實, 現代的止痛藥跟嗎啡鴉片有關, 都係同一種物質, 只是現代止痛藥設計到, 巧妙地較平均去釋放藥力, 不會像嗎啡鴉片容易上癮. 不過食得多, 仍然會好似吸毒咁, 影響了人的性情和行為, 所以, 若果有痛症, 就要快快去醫, 唔好拖, 拖得耐食得止痛藥太多, 就會把好好身體拖垮. 又如果西醫對痛症無能為力, 大家應該立刻去試試其他治療方法了. 今次我的經驗講俾我知道, 中醫藥係可以幫到手的, 我的關節炎, 在食藥推拿針炙後2-3日後就無痛了.

還有, 西方醫術中chiropractor (脊椎按摩師)都有針灸Dry Needle, 同中醫針灸不同, 不是刺穴位, 邊到不適, 西方針灸就針果度. 聽我那中醫師說, 係唔應該邊度痛, 就係果度落針或推拿, 不能頭痛醫頭, 因為痛的部位, 大多是因為身體其他部位拉扯/壓迫而引起, 解玲還須系玲人.